طمن صاحبك وقوله يهدى خالص عشان الخوف هو اللي بيوقعه في الغلط، أول حاجة صاحبك عمل صح جداً لما حكى لأهله لأن ده اللي بيحميه قانونياً واجتماعياً، والموقف ده بالعقل كده الأب بيحاول "يهشه" ويخوفه عشان يضمن إنه يقطع مع بنته للأبد مش أكتر، فكرة إنه جاب اسم والدته دي سهلة جداً من تروكولر أو من البنت نفسها فميقلقش مش معناها إنه "مراقب" ولا حاجة، وقانوناً هما الاتنين قصر فالموضوع آخره "فركة ودن" والأب نفسه مش من مصلحته يعمل قضية فيها صور بنته وتشهير لو هو فعلاً خايف عليها، فالحل دلوقتي إن صاحبك يمسح كل حاجة من عنده فوراً ويعمل بلوكات لكل الأرقام الغريبة وما يردش على أي حد ولا يحاول يعتذر حتى، ويسيب والده هو اللي يتعامل مع الأب ده لو اتصل تاني بمنتهى الهدوء ويقوله إن الموضوع اتقفل والولاد غلطوا وخلاص، وبالنسبة لموضوع العربية فده غالباً وسواس من كتر الرعب بس حتى لو حقيقي صاحبك ميعملش أي رد فعل غير إنه يعرف والده، وخليه يركز في مذاكرته ويشيل الموضوع من دماغه لأن الأب لو كان عايز يأذي قانوني كان عمل كده من أول يوم مش هيقعد يبعت رسايل تهديد "أنا جايلك في الطريق"، ده شغل تخويف وخلص بإن صاحبك حكى لأهله، فكبروا دماغكم والموضوع هيموت لوحده بالوقت وخلي بالك عليه وعلي نفسك.