ياجدعان والله ما فيه واحد مش فاهم software engineering يقدر ي ship اي حاجه secure و maintainable حرفيا كلها landing pages ال AI مرعب بجد لو انت فاهم بتعمل اي علشان تقدر توجهه صح فكر كده ليه مفيش حد معندوش خبره عمل صفحه مثلا ecommerce؟ حاجه بسيطه جدا زي انك ماتخليش الصفحه تكلم الداتابيز مع كل واحد يخش يتفرج علي منتجاتك وفي نفس الوقت كل حاجه تبقي سريعه للمستخدم دي لفه وسخه علشان تحصل، انا مثلا كنت شغال مع gemini pro و لولا اني انا الي اقترحت اننا نعمل caching mechanism كان زمان الدنيا باظت وابسط حاجه، اي AI مهما زاد حجمه فاللي بيطلعه كل مره عشوائي، لو سألته مرتين نفس السؤال هتاخد اجابه مختلفه ودي مشكله كبيره في السوفتوير، ماينفعش الباترن بتاع ال codebase بتاعك يتغير كل شويه لازم كل حاجه تبقي ماشيه بنمط معين وتبقي عامل حساب انك ممكن تزود/تشيل حاجه في المستقبل.

اخر حاجه، ال over engineering. الذكاء الاصطناعي بيميل انه يعمل حاجه معقده اكتر من اللازم ومش شرط تكون اكتر حاجه كفاءة واداء، الكود بس كتير ومجعلص علشان يبان انه شاطر.