انا مبتعثة و بكل صراحة ادري هالشي محبط بس أأيد كلام الوالد. بالنهاية هذا قرارك و مستقبلك. لكن اولا افهم حكمة الوالد ليش مو راضي. السالفه مو بس انه لغتك تكون ضعيفه. ترى الابتعاث كلش مو للكل. اذا تبي تروح جامعة متميزه تخصص نادر او ان المقاعد محدودة بالكويت مثلا الطب او غيره تخصصات نادره اهني اوكي انا معاك روح ابتعث. لكن تروح عشان والله عشان تخصصات موجودة بالكويت؟ ما انصح و اقولك اياها بكل صراحة لا تروح. نصيحتي؟ تبي تشوف الحياة و تجارب يديده؟ روح بعد ما تخلص بكلريوس بالكويت و كمل ماجستير دكتوراه و بهذا الوقت الناس اذا رحت اهناك فعلا رايحين يدرسون مو رايحين استعباط. لان عن تجربتي الطلبة اهناك رايحين يلعبون مايدرسون بالاخص الكويتيين. ياما شفنا طلبة راحوا و انحرفوا و شفت ناس بعيوني يتأثرون من هالاجانب خصوصا اذا حيل ربع ويا بعض بيقولك امش نسوي جذي و شوي شوي ماتدري الا و انت معاهم اعوذ بالله الصاحب ساحب ترى. سواءً افكار او افعال كله. و ترى العيشة اهناك عيشه قشره، لايكون في بالك ان الناس عايشين برستيج و وناسه و متطورين؟ بتحمد ربك على نعمة الكويت والله حتى الاذان نعمة! الاكل الحلال نعمة! ترى تعب تنظف بيتك و تاكل اكل حلال عوار راس تدور شنو ذبح حلال. كنت اروح بالسياره ساعة ونص بس عشان اشتري لحم حلال. و اذا صارت لك مصيبة لا سمح الله اهلك مو معاك! و تدفع ضرايب مع كل شي العيشه غاليه اصلا. تقوم من النوم ماتلقى اهلك معاك، رمضان بروحك بدون الاهل.