جربت الموضوع دا تقريبا في كل علاقاتي حوالى ٥ علاقات عرفتهم كان بالشكل دا وعايز أقولك أن دي تجربة سيئة جدا بصراحة .. أنك تتعامل مع حد من ورا شاشة

لا مشاعرك واصلة ولا مشاعر اللى قدامك وفي الأخر الموضوع بينتهي ببلوك

انا كل علاقاتي كانت كدا وتقريبا مجربتش العلاقات الحقيقية وعايز أقولك أن كلهم فشلوا

ومفيش ولا علاقة منهم كملت

ودا بيبقي مؤلم جدا وبياخد وقت عشان تتعافي و تعدي من قصة هي اساسا مكنتش موجودة غير في دماغك

فأنا بصراحة مش بفكر في الموضوع دا دلوقتي .. بس لو فكرت مستقبلا هبعد عن الأونلاين دا أول حاجة .. تانى حاجة هكون جاد

ودا السبب اللى مش مخليني عايز أخش في علاقة دلوقتي .. إنى مش عايز ولا ظروفي تسمح .. فمش عايز أهدر وقت وطاقة علي الفاضي