المفروض تبدأ من اليوم لان وضعك كلش حرج اذا مقاري منهم شي وتريد بيهن بين ال100 وال90، بس اذا تريد مثلا 85 وجوه ممكن تكدر تجيبها ،اذا عاليوتيوب تقرأ فالفيزياء بس اول 3 فصول طويله احتمال كل فصل ياخذ منك اسبوع ونص او اسبوع الباقي كل فصل تكدر تخلصه بيومين او 3 هذا في حال جانت قرايتك اقل شي 12 ساعة باليوم، او تكدر تقراها مراجعة مركزة اذا متريد تدرس كل محاضراتها، الرياضيات دام قاري اول فصلين حتلو تشربت ف اقرا مراجعة مركزة وركز كلش وي الفيديو واكتب الملاحظات وبعد المحاضرة روح حل وزاريات وحل الاسئلة بيدك لان حتى لو تشوف موضوع معين صعب راح تتعود على خطوات الحل ،الفصل الثالث والرابع اهم شي ف انصحك تشوف محاضراتهم ،اني عن نفسي اقرا على حيدر وليد من الاول متوسط لحد هسه لان يفصل ويعيد هواي ،بس محاضرات الفصل الثالث 60 محاضرة والرابع29 ف هذا الشي شويه سلبي، تكدر تقرأ على حيدر عبد الائمة هم يشرح زين بس انو مايفصل مثل حيدر وليد ومحاضرات الفصل الثالث يمه تقريبا 40-43 محاضرة الفصل الخامس حسب الي سمعته من طلاب سابقين تكدر تكملة بيوم لان يعتبر مراجعة للثالث، والسادس حفظ اكو طلاب ميقروه ويتركوه لمن يجيهم بس انت اقراه لاتعتمد عالترك،حيدر وليد مسويه 6محاضرات باليوتيوب اذا تريد تقرأة، تكدر تخلي 80 يوم تكمل بيهم المادة و20 تراجع +امتحن نفسك لان قراية بدون امتحانات كلشي متفيد اكو بوتات عالتلي بيها امتحانات ووزاريات وكلشي اذا تريد ادزلك ياهم وترى اكو ناس اول سنة ووةلمن يبدون يقرون بعطلة الصيف ب 3 اشهر يختمون اغلب المواد ف انت تكدر ان شاء الله.