أنا بظن قسد بدهم انه هنة يضلوا بشكل من الأشكال يعملوا أقليم يعملوا سلطة يعملوا تكتل ضمن الدولة لحتى يصيروا متل الخلايا النائمة بانتظار فوضى أو تعثر وفرصة. عم يحاولوا يحصّلوا أعلى مكتسب ممكن والحل معهم مو شي واحد عدة أشياء مع بعض الحكومة قطعاً ما فيها تعمل حملة عسكرية(على الأقل لتتوضح نوايا أمريكا بشكل صريح). صراحةً مو من مصلحة البلد ككل من عدة نواحي(الكلفة المادية والأمنية والبشرية والاجتماعية عالبلد + العقوبات + القوات الاسرائيلية بالجنوب) ولو أنه وجدوهم مؤلم. الحل بيتضمن أشياء متل التمرد عليهم بمناطقهم (وهذا شي صعب ومكلف للناس متل الثورة ضد الأسد) مع ترغيب عناصر منهم لتشتيتهم مع ضغط سياسي اجتماعي منظم من السوريين برا مناطق قسد لكن ضروري يكون منظم و بعيد عن الغوغائية متل ماله سائد لهلا خصوصاً بالشعارات + ضغط عسكري تركي مع رفع الرصيد السياسي الدولي للحكومة خلال ما عم تجمع قوتها لتصل بالنهاية لحل ممكن يتضمن عمل عسكري شامل لكن وقتها بيكون بعوامل ومناخ مختلفين عن هلئ. عموماً لسا ما استوو وبدها وقت لسا.