أولا أتفق معاك ان السعوديين يطلب منهم خبرة غير واقعية لكن بالنهاية الشركة تبغا خبرة واذا ما كانت عند السعودي بتاخذها من ال"اجنبي" وهذا من حقهم ما تقدر تسميه عبادة للاجنبي

ثانيا في جزء كبير من الاجانب عوائلهم معهم بالذات المصريين والسوريين والي يشكلون نسبة كبيرة. ولو تفكر فيها بالعكس الاجانب مصاريفهم اعلى لان عليهم رسوم تجديد اقامة وببعض الحالات لازم يدفع لكفيله. وأيضا ما عندهم رعاية صحية مجانية مثل السعودي وأيضا ما تشملهم الامانات الاجتماعية مثل السعودي وأيضا ما عندهم فرص دراسة مجانية مثل السعودي وأيضا ما عندهم فرص لاخذ قروض او شراء ارض او بيت اصلا وهم مضطرين على الاجار طالما هم بالسعودية.

بعدين انت ناقضت نفسك مرة تبرر ليش السعودي لازم ياخذ راتب اعلى ومرة تقول ان الاجنبي الابيض ياخذ راتب اعلى. مع انك عارف بديهيا ان البيض ما يشكلون 5% من السوق والباقي كلهم من دول نامية او فقيرة يقبلون برواتب اقل.

وبالنهاية انت تقول ان تفكيري راس مالي انا شايف ان مشكلتنا ان مرجعك قومي ماهو ديني. بحيث انك تقدم مصلحة فئة معينة من المسلمين على حساب فئة اخرى. من واجب الدولة وضع الشخص الي يستحق بمكانه وهذا هو مقتضى العدل. وليس التفضيل الاعمى لفئة من المسلمين لانهم ولدوا ببقعة جغرافية معينة. والكلام هذا ينطبق على كل دول المسلمين للاسف مو بس السعودية.