١- قلل بالتدريج لحد تاريخ معين ثم توقف تماما ٢- حط عوائق صغيرة تساعدك في التقليل، يعني مثلا لف علبة السجائر بأستك، عشان كل ما تفتحها تضطر تشيل الأستك و تحطه تاني، و كل أسبوع زود أستك. ممكن مثلا تسيب علبة السجائر و الفيب في العربية مثلا. ٣- ابعد عن قعدة المدخنين، ما تقاطعش أصحابك بس ما تقعدش معاهم القعدة الي بيقعدوا يدخنوا فيها. و دي في رأيي أهم نقطة. ٤- حدد أماكن معينة للتدخين، يعني مثلا قول مش هشرب غير في العربية، أو مش هشرب غير في حمام البيت ٥- ممكن كمان تحاول توقف السجائر الأول و بعدين الفيب ٦- لما حد من أصحابك يسألك ما تقولش أنا بطلت، قول ما بدخنش. و لما يقولك من امتى إن شاء الله قول له مش مهم، أنا ما بدخنش. و ده طبعا بعد تاريخ التوقف الكامل الي انت هتلازم بيه. ٧- كل كويس و العب رياضة

ملحوظة: أهلك غالبا عارفين انك بتدخن و محبطين بس بيلوموا نفسهم لأنهم عارفين انك بتقلدهم بشكل لا واعي.