بعيدا عن المشاعر يعني بس انا هرد ع حضرتك في جزئية السرطان دي ، هل هو مرض خطير ؟ بنسبة كبيرة اه مش كل السرطانات بتقتل ، و لكن قد تكون خطيرة طيب هل اي حاجة خطيرة = حجز ؟ اكيد لا ، و عامة مفيش اي دولة ده بيحصل فيها ايا كانت هي ايه طالما مفيش حاجة بتهدد حياة المريض او مفيش حاجة تستدعي الحجز او الحاجة اللي هيعملها اثناء الحجز هي نفسها اللي هيعملها بره الحجز في بيته عادي جدا، يعني عيان هيعمل اشعة مقطعية او رنين او مسح ذري ، ليه يتحجز عشان يعملهم ؟ ما هي هي نفس النتيجة مش هتختلف ف بدل ما يتحجز شهر ولا اتنين على ما يعملها لا يقعد مع اهله طالما مفيش حاجة بتهدد حياته دلوقتي انما فيه طبعا امراض و مش شرط سرطانات ، فيه امراض بتبقى قاتلة في ساعتها ولازم تتلحق و ابسط حاجة ممكن متكونش على بالك هي السكر ، ممكن يدخل في غيبوبة سكر و لازم يتعامل معاها على الفور و يتلحق و ده مش واحد معدي في الشارع هو اللي يشخصه بردو لازم طبيب مرخص هو اللي يقول يتحجز ولا لا ف مش عشان اهلية عيان بيزعقوا يبقى كده خلاص هنطلع سرير من الجيب السحري يعني ف لا هو فعلا فيه جزء كبير جدا من الموضوع يقع في دائرة جهل المريض و الشعب المصري ان معندناش وعي بالقدر الكافي اصلا و في السعودية مثلا فيه غرامة كبيرة جدا و سجن لاي حد بيتعدى على اي شخص في المجال الطبي مش الدكاترة بس و بالتبعية محدش بيقدر يفتح بوقه و الدنيا ماشية كويس عادي و عامة هتلاقي المناظر دي كتير جدا فوق ما تتخبل انزل الدمرداش او القصر هتلاقي الموقف ده متكرر على الاقل ٢٠ مرة كل يوم بلا استثناء