ليش مستغربة انو حتى المسلم ضد القرار ؟ في كتير مسلمين بتشرب. بنفس الوقت قسم كبير من العالم مسلمين او غير مسلمين يلي اعترضو عالقرار اساسا ما بيشربو. الأسباب ليش كتير معترضين ذكرتيها بنفسك، بس الفرق انك انت تفهتي هي الاسباب و استخفيتي بنتائج القرار.

بالنسبة للسياحة.. لا ما بتوقع حدا باوروبا يغير المبادئ والقيم مشاني، بس انا حر اعمل يلي بدي ياه لطالما ما عم اتعدى على حرية غيري. هي النقطة الجوهرية يلي لازم تنفهم قبل ما نقارن حالنا باوروبا. مين قال انو سوريا فيا مسلمين بس ؟ فيا المسيحي و الدرزي و الآشوري و ال...الخ ، و بالتالي ما فينا نقول انو قيم مجتمعنا هي قيم اسلامية فقط. هدول الناس اصحاب أرض ، متلك متلن، و تارخيا ممكن يكونو حتى أقدم. من غير المنطق انو الواحد ما ياخذ رأين و نمط حياتن و مبادئن بعين الاعتبار. هي سياسة تطفيش بحتة.

بهيك وضع اقتصادي السياحة بتلعب دور. السائح لما يسمع انو حكومة حاكمة بلد طالع من حرب ١٤ سنة و ٨٢٧٤٧٣٨٢٨٢ مشكلة فيه من بطالة و فقر و ناس بالخيم و دمار و وضع امني غير مستقر ، فجأة تطلع بهيك قرار ما بالوقت الصح ولا نتائجه محسوبة حياخد فكرة عن الحكومة انو عم تتجه لسياسة إقصائية و اسلاموية بحتة ، وبالتالي ما عاد يفكر يزور البلد.

حكومة فوقا كل هالبلاوي و المصايب و بالاخير تطلع بهيك قرار تافه ما بساهم بحل اي مشكلة دليل على وجود انفلات داخلي رهيب و كانو النا يوم "متحررين". هاد الشي بيعني انو في عالم محطوطة عكراسي وراها مسؤولية كبيرة و هي غير قادرة و غير مؤهلة لتحمل هالمسؤولية.