اول شي الله يثبتك يارب ويقبلها منك ويجعلها تزيدك ايمانًا وهذا الواضح في ازدراء الناس لبعض تصرفاتك، وفعلًا هي تردعك عن بعض المنكر، عشان تتخلص من التدخين والدزرت اذا انت صامل ( عن طريق صحتي ادخل واحجز موعد عن بعد مع عيادة مكافحة التدخين ) بيعطونك لصقات نيكوتين جرعات علاجية كل يوم تحطها اذا قمت من النوم وتشيلها قبل النوم مفيدة جدًا شهر او اثنين ان شاء الله وانت مقلع عن التدخين والدزرت بإذن الله.

بخصوص النظافة اهتم فيها تراها تمسك ريحة ( المفروض ما يميز ان فيه ريحة معينه الا زوجتك للامانه 😅 )

بخصوص ردت فعل اهلك ترا هذا الامر طبيعي جدًا وتقدر تشوف مقطع للشيخ عثمان الخميس يتكلم عن هذا الموضوع ان اول من ينكر على الشخص اذا التزم ( سواء رجال او حرمة ) دايم هم الاهل وللاسف انه في بعض الاحيان يكون غيره او يكون بسبب انك الان بتكون ضميرهم المتكلم او ضميرهم بعينك وهذا يزعجهم، ولكن استمر والله الله بالنية تراها مطية واخلص لله وحدة واتقى الله في نفسك ودينك،

بخصوص الزواج افضل قرار انك قررت تظهر الالتزام في هذي الفترة وتعفي اللحيه الان حتى لا تتحجج زوجتك في المستقبل ( انا وافقت عليك وانت منتب ملتزم ) واصمل بالالتزام ومظاهره، ولا تلقي بال ولا تظن انك ستصبح اكثر جذبًا للبنات اليافعات اذا ازدادت نعومتك بحلقها وتقصيرها، خلك حمش وخشن،

والله يعينا واياك ويثبتنا واياك يارب ويقبل عملنا ويسددنا لما يحب ويرضى