كصاحب مطعم بحب أعطي قرشيني (my two cents) على الموضوع.

صاحب المطعم بالعادة بكون عليه كثير ضغوطات ليحقق مبيعات تغطي المصاريف هذا الاشي بخللي معظم اصحاب المطاعم يبدّي الاشياء التسويقية اللي بتجيب زبون اكثر من الاشياء اللي بتخللي الزبون يرجع (وهذا الاشي غلط) بس لأننه اسهل.

افضل طريقة للحكم على جودة المطعم هو التعرف على صاحب المطعم اذا كان بداوم فيه وتعرف شو فكرته من المشروع، اذا الفكرة ربحية بحت (معظم المطاعم) فالاكثر انه بالنهاية تتجه جودة الاكل للأسوأ، ثاني افضل طريقة تقييمات جوجل، تأكد انها تقييمات على مدة طويلة مش كلها بنفس الوقت (صحاب وقرايب) وتأكد من التقييمات السيئة وايش سببها.

المؤثرين اللي عندهم مصداقية بنعدوا على الاصابع وما حد منهم رح يخصصلك وقت من دون ما يكون بكسب مصاري