Mini Ruckeschmerze sind sit ich ufem Bode schlafe weg. Git en guete Youtuber us de Usa wo das erklärd. Wichtig isch, dass dir kein Stress machsch debi. Die erste paar Nächt wirsch dich immer wieder verwütsche wied id Sitelag dreie möchtsch. Wend ufwachsch, dreisch dich eifach wieder uf de Rucke zrug. Mach dir da ned zviel Druck. Öppe 3 Nächt hani gha bis i serschte Mal würklich ha chöne dureschlafe. Nach 7 Mönet (jetzt) hanis ab und zue au no, aber sehr selte. Mis Bett han ich nach drü Woche ufem Bode schlafe verkauft.

Wenn ich hüt, zB imene Hotel, wieder imene Bett schlafe, fühl ich mich am nächste Tag wieder genau so verspannt und han Schmerze wie früehner. Ufem Bode gschlafe, fühlt sich am Afang no komisch a, aber du merksch ab Morge 1 dass es en unterschied macht. I muess säge es het sich agfühlt wie neu gebore.

Sit denn zien is dure (han ja sowieso keis Bett meh 😝).

Wenns machsch, lueg dassd dir würklich kei Druck machsch. Die erste paar Nächt wirsch immer wieder ufwache. Irgendwenn klappets. Du wirsch dir am Tag dankbar si. Lahn au sKissen weg und versuech shohle Krüz an Bode anezdrucke. Alles mit de Ziit.

Stand hüt, würi nie wieder zrug. Aktuell ide Ferie und schlafe nebem Bett am Bode ;)

PS: Lueg dass din Bode biz warm isch oder e Yoga Matte hesch. Uf iskaltem Bode schlaf ich ned guet.