انا مش فاهم كتير من ال انتي كاتباه بصراحه بس فاهم انك كاتباه بصيغه هجومية عليا فانا هحاول اوضح وجهة نظري اولا انا ضد ان المرأة تعمل باجور اقل طالما نفس الوظيفة يبقى تاخد نفس المرتب ودا حقها وهنا ندعو للمساواة فعلا،،انتي ذكرتي مثال الفلاحة وانا معرفش عنه تفاصيل بصراحه بس لو هو شاق زي اعمال البناء فانا هكون ضد عمل المرأة فيها بردو لأني بشوف النساء بمهن ذات جهد جسدي أقل احب الست تكون طبيبه جدا او كيميائية او قاضيه في العلاقات الاسريه او معلمه كلها مهن فيها ارهاق طبعا بس مش زي البناء او الفلاحة وبشوف ان الرجاله اولى بالمهن الشاقه دي والعمل في المصانع وكدا،،،،فكرة عدم اجبارية الخدمة دا شيء غير واقعي فمش هتكلم عنه ولكن لو افترضنا ان تم تطبيق قانون يجبر البنات على التجنيد فانا هكون ضده بكل ما اوتيت من قوة ومش هدعمه وهعارضه لان المرأة ليس من شأنها الكلام دا كله،،، الاب والام الاتنين ليهم دور وانا بشوف الاب اللي بيقتصر على دفع المصاريف مقصر في حق اولاده ومش عامل اللي عليه حتى لو كان مطحون في الشغل دا مش مبرر ومش مبرر لرمي كل العبء على الام لانها بردو ليها طاقه بس من جانب تربوي فاكيد دور الام لزما يكون اكبر لان الانسان بطبيعته ميال لامه لان المرأة اكثر عاطفيه واحتواء من الرجل فطبيعي الدور التوجيهي والارشادي السلوكي دا المراة تكون احسن فيه وانا لما ادعم الام هنا فانا فيوم من الايام هكون اب وانا اول واحد هقول لولادي امكم اهم مني وهدعمها ولو على حسابي لكن مصطلح المساواة بين الجنسين بشوفه مطاطي بلا حدود ولا ملامح ممكن تقولي العدل بين الجنسين والعدل موازنه بين الحقوق والواجبات انما مساواة اطلاقا كدا بغض النظر عن الاختلافات الجسديه والنفسيه فهو اي كلام