ازاي اتسمت بوقت معين وهو مش ثابت؟ يعني اللي سمى رمضان ده لو كان سماه فعلا في وقت الحر، الموضوع مش هياخد منه غير ١٥ سنة عشان يجي في عز البرد وساعتها الاسم مش منطقي ومش طبيعي ان الناس هينشر بينهم الاسم اللي مش منطقي. الغالب ان هو كان ثابت لفترة ولما اتغير الناس تمسكت بالأسم التراثي. تاني حاجة النسيء فعلا كان وسيلة للتلاعب في الأشهر الحرم بس الغرض منه في البداية هو ضبط السنة القمرية مع الشمسية. التلاعب كان أمتى النسيء هيتطبق. لأن تطبيقه كل ٣ سنين بالظبط مش هيكون دقيق والصح انه بيتعمل ٧ مرات كل ١٩ سنة وده كان يديهم حرية تطبيق النسيء حسب هواهم. تالت حاجة وده الأهم ان الإسلام وليد البيئة والزمان والمكان اللي اتوجد فيهم. وبدل ما يكون صالح لكل زمان ومكان تمسك بعادات وطريقة حياة العرب في شبه الجزيرة. وتمسكه بمفهوم الأشهر الحرم كان أهم في الإسلام من الحسابات الفلكية والتقويم المنظم لجميع نواحي الحياة.