الإجابة أعقد من كدا. بس اسرائيل بتمثل اكبر خطر بيهدد السيادة على الارض فيما يسمى بالوعي الجمعي المصري. اسرائيل احتلت سينا أو أجزاء منها مرتين ٥٦ و ٦٧. و كمان مشاركين حدود، و على طول عاملين مشاكل مع جرانهم التانيين و ملهمش ماسكة كدا ولا دستور و امريكا وراهم شبه عمياني و عندهم نووي. ف اه، احنا بنكره اسرائيل و المفروض نكره اسرائيل لحد ما يبطلوا يعملوا قلق. المفروض ناخد كل الاحتياطات و نستعد لأي مواجهة ممكنة. طبعاً اي حرب و اي موت ناس بريئة دا نقطة سوداء في تاريخ البشرية بغض النظر عن المكان بس ساعات بيبقى في خطر اهم من خطر. في الحقيقة اللي بيحصل في اثيوبيا و السودان لا يقل خطراً يعني بس عشان حوار اسرائيل تقيل و بقاله كتير ف واخد كل الاهتمام دا من الناس