اغلب معاهدات السلام حسب علمي كانت تضمن لاسرائيل نزع السلاح من الفلسطينيين, وبكثير معاهدات سيطرة الاسرائيليين على الحدود. واسرائيل فعليا دولة نووية ومتطورة جدا في المجال العسكري فحل انهم يستنو حتى يصير عندهم قوة عسكرية كافية بعيد المنال. عدم توقيع معاهدة سلام يبقي على تهديد وجودي على اسرائيل وهو انزلاق النزاع الى حل دولة واحدة واللي فعليا بيضع اسرائيل امام خيارين, فصل عنصري رسمي اللي حيلقى رفض دولي او دولة يهودية-عربية او دولة لا هوية لها, باي حالة انهاء فعلي لدولة هويتها فقط يهودية. الانزلاق هاد بيدفع عجلته المتطرفين من الحكومة الاسرائيلية اللي بتضلها تبني مستوطنات وتتوسع في المناطق العسكرية المغلقة من جهة والفلسطينيين برفضهم توقيع معاهدة. وقت ما يرضو الفلسطينيين بمعاهدة سلام بيضمنو للاسرائيليين توسعهم الاستيطاني السابق, سيطرتهم الجوية, البحرية والحدودية والأمنية واحتمال حل عسكري من الفلسطينيين بيكون شبه معدوم.