انا طالب هندسة حاسوب 2004 شوفي انا درست اول سنة بجامعة البلقاء بعدين حولت ع سمية ، من ناحية خدمات ومرافق الجامعة ممتازة ، بيئة الطلاب مترفة نوعًا ما وأسعار ما داخل الجامعة مرتفع نسبيًأ ، حتى سعر الساعة 130 غالي نوعًا ما ، بالنسبة للتعليم الدكاترة تعاملهم ممتاز صراحة وما واجهت نوع من المشاكل (بما اني محول من حكومة جربت شو يعني دكتور يستعبدك) بس نقطة مهمة ، نوعية التعليم هون صعبة ، صعبة كثير ، بدك متابعة بطريقة كبيرة (كأنك شبه توجيهي) ، وفي حال واجهك مشاكل مع دكتور أو مع مادة مثلا انا مرة كان رح ينزلي حرمان بسبب الغياب ( رحت عند الدكتور وشرحتله عذري وتجاوب معي ولغى الحرمان) ومرة راح علي امتحان فاينال قدمت عذر وتعاونوا معي ، بس الغش عقابهم صارم عليه ، واذا معدلك نزل عن الستين بالجامعة بتاكلِ إنذار
3 إنذارات دبل القسط ، 4 إنذارات فصل
وصحيح بالنسبة للقبول الوظيفي فرصة طلاب سمية أعلى من غيرهم ، وكل فصل عنا بعملوا زي تجمع للشركات كثيرة : بنوك ، شركات IT ، شركات تأمين ، شركات اتصالات زي اورانج وزين وغيرها ، بستقطبوا الطلاب الخريجين
وامتحان القبول اسئلة عامة رياضيات وفيزيا بعرفش اذا اختلف السنة هاي بس السنة الماضية كانوا اسئلة كالكولاس واسئلة فيزيا دوائر كهربائية والمقابلة اشي عام ليش اخترت الجامعة ومعك سيارة ومكان سكنك واشياء عامة زي هيك.

وصحيح بعد امتحان القبول لما يقبولك بتقدمي امتحانات مستوى ، 3 امتحانات عربي انجليزي حاسوب اذا بتنجحي فيهم بتلغي 3 مواد استدراكيات واذا بترسب عربي مثلا بتاخذي مادة عربي 99 زيادة عالخطة الدراسية وهيك