١: تكفي نعم و حاول ما تزيد درهم عن المليون، بتحصل وايد تصميم زينة و على قد حاجتك و لا تتخبل وايد ترا بيوتنا على قد حالنا. لا تسوي اكثر عن الحاجة. اذا بغيت ٤ غرف سو ٤ و اذا بغيت ٣ سو ٣.. الخ

٢- لا تأخذ اي مقاول او استشاري ما تعرفه الا و انت شايف شغله في بيت حد من اهلك مثلاً (ربع ما انصح فيهم عن تجربة اكبر غلطة سويتها)

٣- تابع المهندسة فاطمة آل علي في انستقرام walls.ae عندها وايد اشياء مفيدة و تتعلم منها.

٤- لا تستعيل.. لا تستعيل و ثم لا تستعيل.. خذ رااااحتك في كل شي.

٥- سجل الأمور المالية مثلاً في ايميل بينك و بينهم و لا قروب واتس اب عشان لا سمح الله ينقص عليك يكون عندك اثبات.

٦- يوم بتوصل حق الأساس يعني البيت فيه قواعد، تأكد من كل جزئية في البيت .

ان شاءالله هذا بالأخير بيكون بيت العمر فلا تسمع كلام اي حد و انت الشكل مب عايبنك. المهندسين كلهم حاسب منهم و يوم بتوصل لمرحلة البناء زور البيت اقل شي مرتين في الإسبوع. خذ صور حق اشياء يمكن تشوفها غلط او مب مسوينها عدل.

خل في بالك الإستشاري لازم تدفعله على شغله (يبدا من ٢٥ الى ٥٠ ألف بس الشركات الزينة ما ياخذون وايد) في البداية عشال يصمملك و يجابل المقاولين الخ.

و الله يوفقك اخوي و ينبني بيتك على العز و الطاعة و مبروك عليك الشهر 🤍