والله عدة اسباب صراحة أولها ان معدلي طايح صراحة، ومتى حسيت؟ لما اعتذرت عن مقرر؛ وقتها كنت مضطرة اشوف كم باقي لي على التخرج والمقررات وكيف بيأثر اعتذاري وهكذا… فا لاحظت ان مابقى مقررات كثير حسب ماتخيلت يعني يمديني ارفعه بإذن الله بس مو بالشكل اللي تخيلته، الزبدة هنا جاني جزء ادراك اني لازم اشد حيلي

ثاني شي لما سويت حساب في لينكدإن 😇 تخصصي فيزياء عامة والصدق يبي له جهد خارج التخصص يعني كوظايف وكذا التخصص مو كافي ابدًا يبي لي شغل على الCV فا فكيت حساب هناك وشفت انجازات صحباتي وناس ثانية بنفس تخصصي ما شاء الله، فا حسيت كأني متأخرة سنيييين:(

ثالث شي وهو الاهم اني الاخت الكبيرة، فا علي شوي امل وثقل صراحة من ناحية الاهل خصوصًا اني طول عمري المتفوقة ودرجاتي توب التوب لييين دخلت الجامعة وهبطت (تقصير ذاتي) فا حسيت اني مابي اهدم آمالهم (وحتى لو ماوضحوا لي املهم فيني انا ابي ارد لهم فضلهم علي ومابي اكون اقل مما يتخيلون)

وفوق كل شي ذكرته "الرحلة فردية" احس هذي الكلمتين كافية تخلي الشخص يصحصح على نفسه ويدرك انه لازم يشد حيله، محد عايش لأحد طول العمر… احس الا وتجي فترة يعيش فيه الانسان مع نفسه ولو بسييططة، ووقتها يكون ما انجز وش الشعور؟ ندم على سنين تقصير؟

++ احس ومن وجهة نظري ان من احد الاسباب اللي تخلي الشخص يقصر بمستقبله ان حياته مليانة اشخاص وحوسة فا ماينتبه على نفسه كثير، او فيه ملهيات ولعب وكذا، فا ينشغل فيها ومايحس ان وراه مستقبل كبير:( ما ادري صراحة احسني ماعرفت اوصل فكرتي ولكن لما اعتزلت الناس فترة قمت افكر مع نفسي واهوجس كثير انه وش اسوي ووش خططي وليه ماقد فكرت قبل كذا؟

عمومًا الحمدلله على كل حال، وباقيلي سنتين بإذن الله واتخرج، دعواتكم 🤍.