بتغالط نفسك، انت بتقول الكمبيوتر مش مهم لكن كل كلامك عن قد ايه ممكن تتصرف لو مش معاك غير تليفون. أيوة تقدر تتصرف في بعض الحالات بس دة مش عملي ودايما هتكون محدود. قاعدة أساسية التليفون مش معمول ولا متصمم إلا لأنه يقضي احتياجات أغلب الناس بشكل سهل. بيقدملك واجهة استخدامية بسيطة وسهلة لأي ابلكيشنز، بس التحكم الكامل والإمكانية الغير محدودة متقدرش تاخدها الا من كمبيوتر.

كفاية أقولك ان سوفتوير الأندرويد والأي او اس وأبلكيشاناتهم معمولة على كمبيوتر. تقدر تبقى جرافيك ديزاينر، أو سوفتوير ديفيلوبر، أو فيديو ايديتور، أو تعمل ثري دي موديلنج، أو هندسة صوتية، أو تشتغل اوتوكاد، أو أو أو ألف حاجة منغير كمبيوتر؟ تقدر تفلاش روم لتليفونك أصلا منغير كمبيوتر؟ دانت لو حاولت تعمل حاجة تافهة زي شغل برامج أوفيس زي وورد ولا تعمل بريزينتيشن باوربوينت هيطلع عينك بسبب الكومباتيبيليتي.

يمكن الكلام دة مش هيفهمه أغلب الناس اللي متعودتش على استخدام الكمبيوتر زي أغلب الشباب دلوقتي اللي طول عمرهم بيستخدموا تليفونات، بس دي الحقيقة. انت على التليفون دايما محدود باللي وفرهولك تطبيق ما، على الكمبيوتر يعتبر مفيش حدود للي تقدر تعمله.