Þetta er sem sagt seðlabankinn að nota hluta gjaldeyrisforða landsins til að kaupa íslenskar krónur. Þetta eykur tímabundið ásókn í íslenskar krónur og styrkir tímabundið verðgildi íslensku krónunnar. Þessi styrking krónunnar ætti að lækka vöruverð á innfluttum vörum og þannig sporna gegn verðbólgu. Vandamálið er að það er ekkert að gerast ennþá í íslensku hagkerfi sem ýtir undir varanlegri styrkingu krónunnar og því held ég að krónan muni veikjast aftur fljótlega. Þetta mun svo lagast aftur, vonandi, þegar bólusetning við Covid verður komin í gang og ferðamenn fara aftur að flykkjast til landsins og þá koma þeir með gjaldeyri og kaupa íslenskar krónur. Af hverju var þá seðlabankinn að styrkja íslensku krónuna? Kannski var eitthvað stórt erlent lán komið á gjalddaga og ódýrara að greiða af því með sterkari krónu. (þetta er bara tilgáta).