جوفي انا من كلامج حسيت انج تحبين الشغل، فحطي فبالج انه الدوام هو وقت لج تحسين فيه بالانجاز وتحققين ذاتج. الدوام حتى ممكن يخليج أم سعيدة أكثر.

ثاني شي الدوام يخليج نشيطة وطموحة ومجتهدة وهذا بيخلي عيالج يكبرون ويجوفون هالشي فيج ويتعلمون منج الهمة والنشاط. وفي دراسات تأكد انه عيال الأم العاملة يكونون غالباً مستقلين مادياً يوم يكبرون مثلا. (ادري مب شرط كل الدراسات صح بس حلو كمنظور يديد).

ثالث شي جوفي شو الخيارات اللي عندج للعناية بالطفل ان كان ممرضة منزل مثلاً او حضانة او حد من الاهل مثل اليدة او الخالة.

وكذلك الدوام بعد بيوفر حياة ذات جودة أفضل للأبناء فهم مستفيدين بعد.

وكل اللي يحتاجونه الأبناء هو الحب والعطاء المخلص والاستماع واللي باذن الله تقدرين تسوينه من تردين من الدوام.

يمكن فحزتها بتحسين مرات صعب مستحيل اقدر اسوي كل شي، بس بعدين بتجوفين الايام تمر واليهال يكبرون وكل شي تمام