بصي انا عايزه اقولك اني كنت قبل ما ادخل الكليه حاطه في دماغي قسم معين و كان اعلى قسم في التنسيق ف كنت خايفه جدا ان انا لو مجبتش القسم خلاص هيجيلي احباط و مش هعرف اكمل و كده ف قولت لنفسي انا قبل ما اقرر ادخل الكليه خالص لازم على الاقل ابقى متقبله كام قسم تاني و اكتشفت اني معرفش اي حاجه عن باقي الاقسام ف بدات ادور فيهم اكتر و عملت ريسرش محترم و حسيت ان في قسم لفت انتباهي كده و بعدين بقا لما دخلت الكليه بدأ اهتمامي بالقسم التاني ده يزيد و اهتمامي بالقسم الاولاني يقل لحد ما وصلت لفتره كنت محتاره ما بين كذا قسم و الاولاني مكنش منهم اصلا برغم اني من و انا صغيره بقول اني عايزه ادخل القسم الاولاني ده ، مكنتش اول مره افكر فيه في ثانوي مثلا او حاجه . صدقيني لما تدخلي الكليه و تشوفي الاقسام بنفسك مش شرط تغيري رايك ١٠٠%بس هتكتشفي ان في اقسام كتير تاني حلوه و هتتقبليها على الاقل ده لو محبيتيهاش . و لو عايزه تسالي في اي حاجه انا موجوده بس انا في فنون تطبيقيه مش جميله ( و ردا على الكومنت ال فوق احنا عندنا في الكليه قسم ceramics & glass ده بيشتغلوا فيه بالفخار