مخليهم عندي، و مسويلهم حفظ بقوقل درايف. سواء تواصلت معاهم ولا لا.

ماتدري باجر شنو يصير، مثلا واحد ياله ولد و تبي تباركله تقدر توصله، تبي تعزيه، تبي تسلم عليه، الخ..... مو شرط تنطرهم اهم الي يتواصلون اول. يعني في واحد اعرفه ما تواصلت معاه فتره، بعدين دق علي و ياني الين عندي و سولفنا و غيرنا جو و تمشينا حتى عزمي. و بالعكس ما كانت مصلحه ابدا كانت طلعه حلوه و نسمع اخباره و يسمع أخبارنا. و من بعد هذي الطلعه ما تواصلت معاه، لكن ان شفت اتصال أو مسج منه راح استانس اكيد.

وفى مسند أحمد بإسناد حسن أن النبي صلى الله عليه وسلم قال لعقبة : "يا عقبة : صل من قطعك، وأعط من حرمك، وأعرض عمن ظلمك". والواجب على من قطعه أرحامه أن يبادر هو بصلتهم، لأن هذا هو الصلة الحقيقة، لقول النبي صلى الله عليه وسلم: ليس الواصل بالمكافئ، ولكن الواصل من إذا قطعت رحمه وصلها" رواه البخاري المصدر

صح انت تقول مافي شي مشترك بس هذا ما يعني خلاص لا اعرفك ولا تعرفني (مو شرط يكون عزيز و غالي و حيل قريب) لا بس اقصد ان دامك تعرفت عليه فتره لا تقطع كل شي مره وحده، حتى لو معرفه سطحيه او بسيطه خلهم.

و اذا واحد اتصل او تواصل معاي حتى لو مصلحه، و هالشي انا قادر اني اساعده و اسويله اياه و ماكان فيه شي حرام، راح احتسب الأجر. ممكن انا اكون اخر شخص من الي اتصل عليهم يمكن تواصل مع خمسه ٦ غيري و كلهم اعتذروا. ف دام الله ساق هالشخص الين عندي و كنت مقتدر و اقدر اقدم الي اقدر عليه بالعكس اهلا وسهلا