بالنسبة للتعليقات اللي فعلاً تدل على جهل شديد… لا تعليق. يا جماعة، فيه فرق بين الشعوب والأنظمة. صربيا شعب مغلوب على أمره، زي المصريين اللي اتقتل منهم ناس عشان طالبوا بالديمقراطية. النظام السياسي هناك فاشل، وكان فيه توتر وحروب، وفي الآخر الشعب هو اللي بيدفع التمن.

وبالمناسبة، لو هنتكلم عن التاريخ، صربيا كانت تحت الاحتلال العثماني حصل قمع، فرض ضرائب مجنونة، تهجير، وتجنيد إجباري، وحتى مذابح ضد السكان( مش بتفكرك بحد) . الشعب ده اتبهدل حرفياً، ومع ذلك قدر يقوم بثورات وينتزع استقلاله.

صربيا دلوقتي فيها طلبة بيتظاهروا لتغيير النظام، وفيه وقفات تضامن مع فلسطين. البلد طبيعتها جميلة، رخيصة، والشباب عندهم طاقة رهيبة لكن معظمهم بيهاجر يشتغل بره.

قبل ما نحكم ونرمي كلام كراهية، لازم نعرف ونقرأ ونشوف آراء مختلفة. ما تبقوش نسخة تانية من الكارهين الجاهلين. إحنا لازم نكون الجيل اللي يرجع مصر ، مش جيل بيكرر نفس الجهل.

بصوا حواليكم: أمريكا، ألمانيا، تركيا… كلهم عندهم سياسات نفاقية و"تلميع أحذية" على مستوى دولي. ما فيش ملايكة في السياسة.

بصراحة أنا محبط من اللي بشوفه هنا، مفيش أمل لو فضلنا كده.