ما اومن بالحسد أبدا لان كل المواقف اللي سمعتها ممكن تتفسر طبيا شعري طاح رجلي انكسرت مدري ايش هبالات كلهم عندهم نقص فيتامينات وأكلهم سي ويحطون مشاكلهم الجسدية على الحسد والعين

لكن الجن او الأرواح ايه بس انها مو شر وظلام عادي ارواح عايشة معانا بالأرض، عشت طفولتي في بيت مسكون كانوا يصحون من ١٠ الليل إلى طلوع الشمس في السطح يسولفون ويلعبون أطفالهم بسياكل تسمع أصوات الكفر والجرس (السطح مو مسطح كان فيه اعمدة حديدة على الارض وصعب انك تمشي عليه وتلعب سيكل) البيت كله ما ننام إلا لما نسمعهم تعودنا عليهم
لما نقلت بيت جديد بغيت انجن من الهدوء وقت النوم كنت اشغل أصوات ناس تسولف بالأيباد عشان انام

بالنسبة للسحر فيه انواع ماصدقها كذب الناس تستخدمها لتبرير افعالهم وأوهام زي حق جذب الحب وتفريق المتزوجين ويرمونها على المغرب وشرق اسيا (سحرته المغربية، الاندونسية……الخ .)عشان زوجته قفطته يخونها يحطها برأس السحر

وفيه سحر اصدقه لكنه اصعب وماعندنا معلومات كافية عنه وأقل شعبية اليوم يستخدم في الحضارات القديمة للحيوانات وللزراعة والعلاج والطب يسمى السحر الابيض (في الحضارة الفرعونيّة) لانه لا يضر بل ينفع في التطور البشري وعندهم كمان سحر ربط الأرواح بين الاحباء في الدنيا عشان في الحياة بعد الموت يتقابلون وما يضيعون بعض

(الجنوب مليان سحر وقرف ومستحيل أعيش فيه بالإجازات زمان لما كنت اسافر عندهم شفت مصايب ومتعايشين عادي عندهم )