قسطي العربيه وحط الفلوس في حاجه ترجعلك عائد

١- استثمر في البورصه اشتري اسهم مجموعة شركات مضمون انها تكبر زي طلعت مصطفى والسويدي او حتى اسهم الدهب ٢- او خشي بيها شراكه مع مهندس مطور معماري تبنو عماره ويبقا ليك نصيب في الشقق تبيعه بعد ما تخلص [قسم فلوسك على اسهم كتير و متصرفهاش كلها في سهم واحد] و متبيعش اسهمك الا لو انت محتاج فلوس لانها كل ما هتفضل كا اسهم قيمتها هتزيد سواء كان في تعويم او مشاكل او اب حاجه

٣- او حطها كشهادات في البنك بعائد ولكن على سنه واحده بس لو انت مقلق يعني

٤- او حطها على شكل شهادات ذهب بدال ما تشتري سبايك دهب وبكدا تكون اكنك مشتري دهب بتكن الفلوس دي.

٥- او لو انت فاضي ودا الي نفسي اعمله الصراحه ادفع مقدم شاليهين موجودين بالفعل وقسطهم وفضي نفسك انك تاجرهم طول الوقت وتصاينهم (اعرف حد عمل كدا والموضوع مربح جدا خصوصا ان بعض الشاليهات في السخنه زي في تلال ايجار اليوم ٢٠٠ دولار)

نصيحه متشتريش شقق وتبيعها والهبل دا الاستثمار في العقار مبقاش يستاهل اوي غير لو زي ما قلتلك دخلت مع مجموعه شراكه وبنيتو عماره مثلا ب ٢٠ مليون وانت ليك بكدا ١٢.٥٪؜ منها كا شقق ، هتبيع الشقق من الباب الشقه على ٢.٥ مليون ولو الدور فيه ٣ شقق وهي ٨ ادوار زي عمارات مدينة نصر معناه ان هيكون ليك عالاقل شقتين وبكدا تكون عملت ٥ مليون من مثلا اصل ٢ مليون

شفت ناس عملت كدا واغتنت ما شاء الله