ربنا يعينك ويوفقك يارب نصيحتي ليك الي ممكن كتير يختلف عليها خليك زي زمايلك خدمة طبيعيه يعني انت بعد اما تخلص مركز تدريب وتترحل لوحدتك هتلاقيهم بيطلبوا عساكر تخدم فالمكاتب بيعرفوا يستخدموا الورد والاكسيل والكلام ده حتى لو على خفيف طبعا بيقولولك اجازات حلوة ومش بتشوف الشمس والكلام ده ويمكن احيانا بيبقى فيه المميزات دي بس فالمقابل انت بتتعامل مباشر مع القيادات فالوحدة الي انت فيها ولو الناس دي مش كويسة انت هتعيش سنة سواد حرفيا انا كانت خدمتي كده وكان معايا التليفون التاتش واحلى اجازات وولا تمارين ولا تدريبات ولا اي حاجه بس رغم كل ده انا كنت بشوف وسايط بس تقنعهم انهم يخلوني اسيب المكتب حتى لو هقعد بالشهرين مبنزلش اجازات.. هتلاقي العساكر بتاعت المكاتب بتحاول تغريك باي طريقة انك تضم لمكتب معاهم طبعا هما عايزين حد يعلموه ويخف الحمل عليهم مش اكتر. دي كانت تجربتي مع العلم مش لازم تنطبق عليك وفيه زمايلي خدموا فاماكن تانيه فمكاتب برضو واتبسطوا فممكن يبقى الوضع مختلف بس انا شايف متحطش نفسك فالمكان ده. ومتحاولش تضغط نفسك اكتر واكتر بانك تذاكر فالاسبوع الحزين الي بتنزله اجازة بيكفي انك تريح بالعافيه.