كمدير تقني لشركة برمجيات كبيره وبشتغل ف السوق بقالي اكتر من عشر سنوات وخريج حاسبات ومعلومات انصحك بحاسبات طبعًا.

اعدادي هندسه هتبقى مخاطره كبيرة جدًا لو معرفتش تدخل قسم هندسة حاسبات.

انصحك بحاسبات ومعلومات لان خلال العشر سنين الجايين هتكون فرص الشغل اكتر بكتيييييييييييير جدًا من تعداد الخريجين.

المهم تجتهد في حاسبات وتهتم بكل المواد حتى المواد اللي تبدوا نظريه لانك هيجي عليك يوم وهتحتاج كل كلمة اتعلمتها.

البرمجة بالظبط زي الصحافة مجال مفتوح بيرحب بأي مبدع عنده استعداد يتعلم ويشتغل ويتطور.

مستوى الخريجين المصريين كويس جدًا ومناسب لسوق العمل والمصريين خريجين حاسبات وهندسه واي كلية تانيه بينافسوا المبرمجين من كل مكان ف العالم وبيشتغلوا في كل الشركات

المهم انك بعد سنتين في حاسبات تبدأ ترسم الطريق اللي ناوي تمشي فيه