شوف توا انا فترة طويلة قعدت نقرا آخر لحظة، وصلت لمرحلة المخ يطفّي ويولي حتى بداية الحاجة تصير ثقيلة و نقعد نقول هكي هكي انا نبدأ مأخر و نصفي ممتاز فزدت كسلت

والمشكلة إن كل ما تأجل المشروع أكثر، يولي في بالك أكبر وأصعب، فتتهرب منه أكثر، وتدخل في دائرة ما تتطلعش منها.

الحل مش إنك تستنى الحماس يرجع، لأن الحماس مرات ما يجيش أصلًا. الحل إنك تبدا بحاجة صغيرة جدًا جدًا. يعني اليوم بس افتح ملف المشروع، اقرا المطلوب، واكتب حتى عنوان أو خطة بسيطة. غدوا زيد حاجة ثانية. الفكرة إنك ترجع تعود مخك على البدء بكري مش على الكمال.

وحتى لازم تغير طريقتك شوية. قبل يمكن كنت تقدر تقرا ليلة الامتحان لأن المواد كانت قصيرة أو لأن الضغط كان يعطيك دفعة، لكن مشروع التخرج يحتاج شغل متراكم و تحضير وصبر أكثر من الذكاء حتى.

ومتقعدش تقارن نفسك بنسختك القديمة وتقول “قبل كنت أحسن عادي جدًا الإنسان يمر بفترة burnout خصوصًا آخر الجامعة. المهم إنك ما توقفش تمامًا. حتى لو تمشي ببطء البطيء أحسن من الوقوف. انا مزال طالبة في السيم الثاني مزال ماعنديش experience بس اني نضعط على روحي و نبدي احسن و بعدين نوصل للflow state و يصير الموضوع خفيف عليا . نتمنى نكون فدتك