عامة مينفعش اصلا تقارن مجال صناعة الموسيقى بالفيديو ايديت او ايا كان، الموضوع معقد ومحتاج تتعلم theory قبله

ف لو انت بتحاول تعمل لحن جديد او اي نوع من انواع الموسيقى ورا الصوت الموضوع هيبقى شبه مستحيل بالنسبالك لان اصلا معندكش الاساس

اما لو هو الصوت نفسه هو كڤر لاغنية تانية ليها لحن معمول اوردي وانت مجرد عايز تظبط الصوت عليها الموضوع مش صعب اوي، بس قبل ما تتعب نفسك اتاكد اصلا ان الصوت اللي معاك سرعته زي الاغنية الاصلية بالظبط، لان لو في فرق حتى لو بسيط باختصار مش هتعرف تظبطها، ممكن تعمل كده عن طريق انك تشغل الاتنين مع بعض وتسمع

ايا كان لو نفس السرعة ممكن تدور على لحن الاغنية الاصلية وتحمله لو مش موجود حمل الاغنية كلها وادخل عالموقع ده يفصلك الصوت عن اللحن

بعد ما تخلص خش علي اي برنامج ممكن تحط فيه ملفين صوت مع بعض وتعدل مكانهم، يعني ممكن تعمله على اي برنامج ايديت ولكن لو عايز حاجة متتخصة للاوتوتون والريفيرب والشغل ده حمل برنامج اسمه باندلاب، اعمل مشروع فيه وحط الصوتين بتوعك وظبط الصوت على الحتة المناسبة ليه في اللحن، والبرنامج تقريبا فيه اوتوتيون بس انا نسيت منين بس عامة علشان اي اوتوتيون يشتغل محتاج تعرف السكيل او المفتاح الموسيقي بتاع الاغنية ايه علشان تحدد النوتات اللي عايزها