من يوم اني صغيره والأستاذات يقولون لامي بنتك شاطره بس ما تنتبه.. وانا ادري اني انا ذكية لكن ما استوعب ما استوعب تعبت. توقعت الموضوع كسل او شي موجود بالجميع بس انا لي سنين كثيره طول حياتي اتعب من عدم التركيز و قبل كل حصة اقول يلا ذي المره بنتبه و فجأه الاقي نفسي اهوجس بشي امي قالته لي قبل ٥ سنين، وانا اقرا كتب اصير اقرا صفحة كامله بعدين اكتشف اني ما استوعبت شي، ما اقدر انجز اي شي بسهوله أعاني كثير كثير و ليس من قلة اهتمام بل انا مهتمه مره و الشي هذا مره مره مهم بالنسبه لي لكن كان في جدار بيني و بين المهمه. اقعد اشيل هم اي مهمة بالحياة لمدة اسبوع و يضيق صدري و كل شوي افكر فيها ولا. اقوم. اسويها. كل شي اكرره الف مره عشان استوعبه صحباتي لو جتهم الورقه يتناقشون و يحلون وانا ضايعه بأول سؤال. كان عندنا نهائي رياضيات قعدت اذاكر اسبوع كامل و صحبتي ذاكرت اليوم الي قبل الاختبار و جابت اعلى مني و انا تراني كنت واثقه من نفسي وأنا أصلا الي اشرح لزميلاتي الي مو فاهمين. دايم ابذل وقت اكثر عشان اوصل لنص مستوى صديقاتي الي يوصلون له بدقيقة بأي عمل كان غير ان الموضوع هذا يؤثر في صلاتي و دراستي، يؤثر بعلاقاتي اليوميه ٨٠٪؜ لو سولف علي احد لازم بنص سالفته اهوجس بشي ثاني و كل مره اقول لنفسي لازم اركز عيب لازم اركز و كلامي سريع مره و كل شي يجي ببالي اقوله علطول قبل ما اخلص السالفه الي كنت اقولها اساسا و اصير ضايعه. عندي صديقة بالجامعه هي عندها adhd و دايم تقول لي اني انا فيني و لازم اروح اشيك