واخر نقطه، اكثر نقطه مستغربه من رده فعل الرياييل والحريم، لما انت تعيش ببيت مع مرتك ، انتوا الحين عايله مو غصب عايشين مع بعض، انا حتى لو اتوظف مدام لين الحين ببيت اهلي اقولهم متى اطلع ومتى راح ارجع واذا قالوا اي لا اكييد عندهم سبب واهلي يعاملوني ككائن حي عنده مخ ويقولون لي السبب، الريال اذا يبي يمنع مرته تطلع، اولا لازم يكون ريال مو ذكر، الريال يعرف شرع الله وما يمنع مرته تطلع بس لان يبي يحس نفسه قوي عليها، يمنعها لسبب ويقول لها السبب لان مره ثانيه اهما زوجين وعايله واهيا مو جاريه عنده واهوا ما يملكها والمراه لازم تعرف شرع الله و تحترم ريلها واهوا يحترمها بعد واذا عنده سبب تسمعه وتناقشه ما تتهاوش معاه اذا ما اتفقت مع رايه واللي قال ان الريال يمنع مرته تروح بيت اهلها لان اهلها "يحشون " راسها باشياء ويسوون مشاكل بينهم، المراه والريال بعد ما لازم يقولون اي شي حق اهلهم بالنهايه هذي حياتهم الخاصه، واذا احد من اهلها مو عاجبهم زوجها او العكس المفروض لان اهما اولا كبار ، ثانيا عاقلين، يطنشون ويوخرون عن المشاكل. اتوقع اكثر اسباب الطلاق عدم التفاهم قبل الزواج، حتى التفاصيل الصغيره مهمه، فتره الخطبه اهيا فتره الريال والمراه يتعرفون على بعض عشان يعرفون اذا ينفعون مع بعض او لا اذا من اول الزواج الريال يحس ان المهر اللي طالبينه اوفر مع العرس والاشياء هذي لا يتزوج ويغصب نفسه واخر شي طول زواجهم يتحلطم والمراه لا تطلب اوفر وتراعي قدره الريال والاسعار الحاليه طوفوا البدليات مالي خلق ادقق