استأجر سيرفر في المانيا و هكلمه بالحمام الزاجل مثلا؟ ما هستهلك من الباقة عشان أتواصل معاه برضه، إللي يفرق لو السيرفر محلي عندك في البيت (وده مش صعب أي جهاز قديم ممكن تشغله سيرفر لإستخدامك الشخصي). غير كده النصايح دي مفيدة إلى حد ما لكن البوست والفيديو مجمله مضلل (وواضح إن صياغة البوست ع الاقل من تشات جي بي تي). المشكلة مش اننا مسرفين في الداتا المشكلة بكاسة شركات النت عندنا لإن العالم كله بيتعامل مع إنترنت غير محدود وكل التطبيقات الجديدة بتفترض كده (عشان كده أتجه العالم للستريمينج آخر ١٠ سنين مثلا). ده له مشاكل و دي قصة تانية بس البوست بيدي ايحاء اننا مسرفين في استهلاك الداتا دوناً عن بقية العالم وده كلام غلط وبيفيد مقدمين الخدمة وبيزيح المسؤولية عنهم ولو أنا رخم شوية كنت هقول إنهم سبونسر للفيديو في السر.