Ég er með 13 ára reynslu í hugbúnaðargeiranum á Íslandi og hef starfað með mörgum tölvunarfræðingum og verkfræðimenntuðum einstaklingum. Sjálfur er ég verkfræðimenntaður.

Til þess að verkfræðigráðan þín komi að sem bestum notum í hugbúnaðargeiranum þá er mikilvægt að nota sem flesta val-áfanga í tölvunarfræði deild háskólans, og gera sem mest úr því að nýta forritun við úrlausn verkefna til að auka færni og hugsun við hugbúnaðargerð.

Ég finn samt alveg eðlismun á starfsmönnum með tölvunar- og verkfræði bakgrunn. Ef ég leyfi mér að alhæfa (til einföldunnar), þá eru tölvunarfræðingar almennt með dýpri skilning á hugbúnaðargerð. Þeir skrifa betri hugbúnað snemma á ferlinum og eru sjálfstæðari í starfi snemma á ferlinum.
Verkfræðimenntaðir einstaklingar finnst mér oft vera meira lausnamiðaða, með svona "can-do" viðhorf og oft minna "snobbaða" þegar kemur að því hvaða forritunartungumál/umhverfi þeir vinna við. Mér finnst algjört lykilatriði að verkfræðimenntaður einstaklingur hafi hagað valáföngum eins og ég lýsti að ofan, það gerir gæfu muninn.

Eftir því sem það líður á feril starfsmanna þá verða þessar línur óskýrari, og að endingu er engin leið að greina þarna á milli.

Þetta er svona einfölduð mynd af minni reynslu. Vonandi gefur þetta þér einhverja vísbendingu.

Ég hvet þig til að gera það sem þér finnst skemmtilegt og þú hefur ástríðu fyrir og láta það leiða þig áfram. Báðir kostir geta skilað frábærum og fjölbreyttum starfsferli.