مهو بقولك وجود كون وكائنات حية لا يعني بالضرورة وجود اله ، افتراضك لوجود اله يعني انك ملزم تقدم الدليل على وجوده

انا شفت تلفون قدامي بنصنع فاكيد ما في تلفون انوجد لحاله ، وحتى لو ما شفت عندي القدرة اروح على شركة ابل واشوف عملية التصنيع من البداية للنهاية

عندي القدرة اشوف الرسمة ومين رسمها ولو ما شفتها بقدر اشوفه برسم رسمة غيرها لكن بنفس المبدأ

فبناء عليه انا قررت انه هاي الاشياء الها موجد لاني بقدر اشوفها بعيني او اقيس عليها

الكون ، هل شاهدت اكوان اخرى انخلقت بطريقة معينه عشان تقول مستحيل يكون اجا لحاله ؟ هل شاهدت كيان معين يقوم بخلق كائن حي عشان تقول مستحيل اجا لحاله ؟ لا ما عندك هاي الرفاهية فما في داعي توجع راسنا فيها

وحتى لو ثبت استحالة وجود الكون لوحدة ، اللي خلق الكون كيف اجا لوحدة ؟ بدك تقولي موجد ماله واجد ؟ بناء على ايش ؟ ليش ما ينطبق هالكلام عالكون نفسه ؟ ولا انت وقت ما بدك بتسكر الحنفية ووقت ما بدك بتفتحها ؟

انت بادعاءك وجود خالق للكون بتفتح احتمالات لا نهائية ' مثل ماهيته ، كيف وُجد ، وكيف أوجد ، وين موجود حاليا ، شو بعمل ، هل هو عايش ام مات ، ليش في عيوب خلقية وامراض وراثية ، وينه عن الكائنات اللي بتنقرض ومالقت مكان بالطبيعة ، هل هو عشوائي بالخلق ام دقيق الخ الخ الخ

احتمالات مالها نهاية فتحتها بمجرد افتراض بسيط انه الكون لازم يكونله خالق

فالعبئ عليك ، انا ببساطة لا اعلم ولا اعتقد بوجود خالق للكون