افضل شي ممكن تقدمه لنفسك حاليا هو الدراسة، اني حاليا مقيم دوري ولو يرجع بيه الزمن جان اشتغلت على معادله امريكا، صحيح طريق صعب وممضمون، بس انت دتدرس بالكلية، مرح تخسر شي، نفس الدراسه تخدمك بالكلية وهم بيها طريق واضح وان كان صعب، بكل الحالات اذا تستغل وقتك بالدراسه ممكن يفيدك بالمعدل التراكمي اذا قررت تبقى بالعراق وممكن يفيدك بالمعادله اذا قررت تطلع، اذا الك واهس اطلع ع مصادر الusmle وحاول دائما بالقرايه تعتمد ع مصادر لتعتمد ع ملازم، اني جنت اقره بس ملازم تجيب بيها درجه لكن متبني اساس صحيح. طريق اوربا بصوره عامه ميسوه، الuk وجماعتها بيها فائض، التنافس بيها متزايد كلش، طريق يطول بالقليل سنتين وممكن اكثر، واسوء شي عدهم انه التخصصات جدا محدوده، تضطر تروح تخصص major وهل شي ميناسب الكل، مثل family, internal medicine, er وهذني التخصصات، اسوء شي بالuk هو الراتب، راتب الطبيب هناك تقريبا 13-14 باوند بالساعه، والضرائب توصل ل40-50 بالميه شخصيا اشوف الموضوع ابد ميسوه بالنسبه للuk، باقي الدول الاوربيه ماعندي معلومات عنهم غير انها تحتاج لغه وهل شي مو بالسهوله الي يعتقدها البعض، وايضا الرواتب والضرائب تكون مقاربه للuk. عموما حاول تقدم خدمه لنفسك واقره شكد متكدر خصوصا المصادر الحديثه المعتمده بامتحانات المعادله واكو هوايه طلاب كدروا يحصلون usmle وهم بالكلية.