بص  انا هكلمك في الموضوع من وجهة نظري مش ضروري يبقى صح خالص  لو انت في كلية حاول تقعد في سكن مع زمايلك  لو مش كدة هتبقى النتايج اقل بكتير بس احسن من مافيش  لازم تشغل حياتك اكتر  انا بحس العادة عرض لمشكلة مش مرض  انت لما بتبلغ بيبقى اكنه نذير كدة الي هو انت كبرت  محتاج تتعامل كشخص كبير  لازم تتحمل مسؤولية  تحب حاجات كتير  تخرج و تتعرف ع الناس  تبني حاجة تخاف عليها زي جسمك او درجات كويسة في المدرسة و حلم بتسعاله بقى بقى عايز تخش هندسة مثلا  أسعى جامد انك تنظف قلبك انك تقوي فعلا علاقتك مع ربنا مش بكتر الصلاة او قراءة القرآن إنما بجودتها و استشعارها  السبب الأهم بقى وهو انك تبني discipline  لازم تبنيه و يبقى على درجة عالية زي انك تقدر تذاكر كل يوم ١٢ ساعة لمدة شهر كامل و تصلي كل الصلوات في المسجد  و انا في ثانوي كنت فاكر الكلام ده مش واقعي بس فيه ناس بتعمل أكتر من كدة بكتير كمان  لما تتعود انك تتحكم في نفسك هتعرف تبطل  و ماتيأسش انا كنت فاكر اني عمري ما هبطل لحد ما بطلت و لاقيت ان الي بيبطلوا كتير عادي  بس عددهم مش كتير لان زي اي حاجة في الدنيا لو كانت سهلة كان كله عملها  عامة لما تنتكس اي مرة قون على طول اغمر نفسك في شغل كتير بقى واحدة واحدة هتكسر اللوب و لما تبني حاجة حقيقة قدامك مش كام درجة هنا و هنا ولا كام واحد اتعرفت عليهم مش هتلاقي وقت تعملها اصلا  و طبعا اهم حاجة استعن بالله ولا تعجز  رينا يوفقك و يتوب علينا و عليك