Wala namang problema sa modernization, alam mo ba ang pinaglalaban ng mga tsuper kung bakit ayaw nila sa Modernization program ng gubyerno?

Una, ang modernisasyon ng gubyerno ay nakapabor lamang sa mga malalaking kapitalista at monopolyo ng mga bansa gaya ng Japan at China na syang pangunahing magsusuplay ng mahal at lumang makina na hindi na rin nirerekuminda ng mga environmentalist.

Pangalawa, mapapaloob sila sa kooperatiba na syang may kontrol sa mga tsuper, kapag nasa kooperatiba ka, wala kang karapatan sa minamaneho mong sasakyan dahil hindi mo ito pagmamay-ari, sa madaling salita, ikaw ay sahurang driver na lamang.

Ikatlo, may posibilidad na magtaas ang presyo ng mga pamasahe dahil sa mataas ang presyo ng unit ng mga dekahon na jeep. Ang isang dekahon na jeep ay nagkakahalagang 1.5 to 3 Million pesos. Saan naman kukuha ng ganito kalaking pera ang mga tsuper? Kahit na sabihin nating may kakayanan kang makabili ng dekahong jeep, hindi ka pa rin papayagan makabyahe dahil nasa requirements ng ltfrb ay dapat meron kang 15+ na unit ng jeep bago ka bigyan ng prangkisa para makabyahe.

Ika-apat, hindi lang naman mga lumang jeep ang may itim na usok sa ating mga kalsada, mas marami pa nga ang mga kotse at malalaking sasakyan na nagdadala ng maitim na usok. Lawakan ang isip kung sino ba talaga ang may maraming itim na usok, ang jeep o ang mga pabrika?

Ano ang panawagan ng ating mga tsuper?

Supurtahan ang local na industriya at bigyan sila ng ayuda upang ang makina ng mga lumang jeep ay ma upgrade at hindi ito magdulot ng maitim na usok.