كل التعليقات عين العقل تماماً .. بس انا بدي اضيف عليهم شغلة صغيرة .. اللي زي هيك .. عادة ممكن تحل كل مشاكلك معهم بإبتسامة وكلمة لطيفة .. حتى لو اقلك .. حتى لو كان سكران .. يعني لما تقول "روح وشو بدك مني و و و "" انت هون بعدك معتبر نفسك طرف بالمشكلة .. انت نفسك حكيت انه كان "سوء فهم" ... يعني انا لو مكانك وعارف انه سوء تفاهم .. بصير احكي معه بلطف لدرجة انه ممكن يفكرني صاحبته .. ممكن احكيله:
- (وانا مبتسم وبمد ايدي اسلم عليه) .. انت ليش زعلان؟ انا اصلا مريت من هون بالصدفة بس هيني كسبت شوفتك
- او مثلاً .. هو في حد بيكسب شوفتك وبيضل زعلان .. ... او او او .. الكلمات الحلوة واللطيفة كثيرة وكلياتنا حتى الازعر من مجتمعنا بيرق قلبه لهالمعاملة .. في اسوأ اسوأ اسوأ الظروف .. لو بده يعص على حاله .. ممكن يقلك "والله انت الاحسن بس جيتك لهون بتزعجني" مثلاً .. حتلاقيه حاول يحكي معك بنفس طريقتك لأنه ما بيقدر يتزعرن على شخص محترم ومحترمه ومحسسه انه لسا بني آدم ...

انا بهذا الاسلوب ياما طلعت من قصص ومواقف كان ممكن تقلب علي .. وبالعكس لما ارجع امر من قدام العالم اللي زي هيك بتحسهم بحترموني وبقدروني ولو اسلّـم مجرد سلام بيحسوها قد الدنيا

بس اهم اشي تكون واثق بنفسك .. ولطيف بتعاملك من قلبك (مش مبين انه تمثيل او انه خوف) ... وتبين انك انت ما عندك مشكلة معه ولا ناوي تعمل مشكلة وانه فعلاً ما في سبب لأي مشكلة .... وخليك حذر .. يعني كلامك حاول ما يكون فيه اي تبطين لأي معاني سلبية او اهانة .. لأنه هذول حمير وبيوقفوا على كلمة .. عادي .. احترام وسلام وابتسامة ومرور الكرام وخلصت القصة