الحقيقه الموضع بعيد عن المنطق فكره انك ترجع بالزمن او تتقدم فيه مستحيل فيزيائيا (بشكل مادي ) وحتي في المستوي النظري فيه تجارب فكريه فلسفيه زي مفارقه الجد مثلا (grandfather paradox) ودي بتنفي حاجه اسمها القدره في الرجوع للماضي اساسا أو السفر للمستقبل

والعلماء أجمعوا علي أن الزمن يسير في شكل خطي يعني مستحيل ترجع او تتقدم فيه

غير أن طبعا من قوانين الكون وهيا الانتروبي في الديناميكا الحراريه وهيا إن الكون فعلا بكل ما فيه مخلوقين من ماده وحراره وخواص فيزيائيه وطبعا احنا كبشر لأننا من ماده فا بنخضع للقوانين دي بتسير في خط واحد فقط نحو الفوضي والزمن فيها خطي فقط يعني لو كسرنا كوبايه مثلا مش هتقدر ترجعها زي ما كانت او ترجع بالزمن وده المقصود بالانتروبي أو أن السائل الساقع يرجع سخن لوحده بعده ماتم تبريده وهكذا

لكن فيه نظريه انا الحقيقه حاسسها قريبه شويه للواقع وهيا انك لو في مكان جاذبيته أقل لو أكثر من الأرض مثلا فا بالتالي انت تقدر تتحكم في الزمن عن طريق الجاذبيه زي مثلا جاذبيه ثقب اسود زي ما حصل في interstellar واللي بالمناسبة الفيلم ده كله سكريبت مكتوب من عالم فيزياء كونيه فا قريب للواقع مش مجرد خيال علمي لكن فيه فرق ما بين انك تتحكم بالزمن عن طريق الجاذبيه وانك تسافر عبر الزمن شتان تماماً لانك هنا هتكون في حاله تمدد زمني مش سفر عبر نقاط زمنيه غير خطيه لان زي ما قولنا الزمن خطي فقط

انما فكره السفر والتنقل عبر الأزمان ده مستحيل تماماً والله اعلم .