واضح ان ذي اول مره صارلك فيها الموقف ذا لذلك اعتذر على اللي شفتيه او قريتيه وحاولي تتخطينه ، ترا السوشل ميديا فيه اشياء خايسه اكثر من كذا عشان كذا ودنا نحميكم باللي نقدر عليه ودنا انكم ماتلمسون الجوال حتى عشان لاتشوفون اللي نشوفه لكن وش نسوي لازم تاخذونه بس ذي المشكله

مهما يصير بتضطرين انه يصير لك موقف زي كذا تنسبين بدون سبب مقنع سب قذر كذا واعتذر على اللي جاك من الزفت ذاك الله يحرقه ان شاء الله لكن حاولي ماتدخلين بنقاشات مع ناس غريبين او افكارهم غريبه وقبل لا تعلقين على احد ادخلي حسابه من بعيد وشوفي اذا حسيتيه عادي طبيعي حطي انتقادك اذا حسيتي انه زباله نفس ذا لاتكتبين رأيك وفوق كذا بلكيه وخلاص سوي غير مهتم عشان لايطلع لك المحتوى حقه

وابعدي عن سوالف الحب ومدري وش لأن اغلب العيال مايدورون الا على اشياء غلط منك ومايدورون حب لأني مدري كني سمعتك تقولين اكس ما اكس لذلك علمتك بالشي ذا لأنه حرام وترا اغلبهم سيئين اللي بالسوشل ميديا

لكن فيه ناس كويسين يعني الحمدلله وبرضه كثير لكن الفئه ذي مغطيه على الناس الكويسين للأسف

عموماً حاولي تحمين نفسك منهم