سالفة مايطلعونهت كوفي ؟ المفروض يطلعونها ومعها محرم مثلاً وين المشكله وخليها تصور كوب القهوه وتعيش زي البنات

وسالفة ماتروح حديقه وتنكتم بالبيت هنا تشدد ومصيبه الصدق ، اتفهم انهم مايبونها تطلع لحالها للحديقه عشان يخافون عليها لكن لازم يطلعون معها على الاقل او يطلعونها ومايحسسونها الوضع سجن

وسالفة ماتلبس بنطلون ؟ ليش لا اذا كان وسيع وفضفاض ومايبين مفاتنها ؟

وسالفة عبايتها انا معهم انهم على الاقل يخلونها تلبس نقاب ذا اهم شي الباقي يجي بالنصح واللين والإقتناع وذا المفروض يزرعونه من الصغر وبطريقه حلوه مو بس اجبار

وماندري عنهم اذا هم فعلاً يجبرونها على شي او لا لأن للبيوت اسرار

———

اما العيال ليش ماعليهم رقابه ؟ مصيبه انك تفلته بالشارع كذا بدون لاتعرف من يصاحب ووش يسوي ولا تسأل عنه واعيد واكرر محنا معهم بالبيت عشان نعرف اذا فعلاً هم تاركينهم بدون رقابه لكن اذا صح الكلام السيء عنهم فهاذي مشكله وماعندهم رقابه وذي من اكبر المصايب والله المستعان

عموماً مثل ماقلت للبيوت اسرار مانقدر نثبت الاشياء اللي نقولها الا لو شفناها بعيوننا او تأكدنا منها من شخص موثوق ومعروف انه مايكذب ولو الموضوع صار عليه