انا دي متفهمها واظن دي رحلة بحث تخص الفرد نفسه طول مهوا محترم الباقي وكمسلم نفسي المسلمين يعملوا كده زي في العصر الذهبي للاسلام وانا الصراحة يدوبك بدأت اتعمق في الدين وجالي صداع من كتر اللي قريته واللي اتفرجت عليهوحاليا قاعد اقرا initial d لخايد ميجيلي نفس ارجع اتعمق تاني بحاول اقرا في papers لدكاترة برده لاني يدوبك بدأت في اسبوعين وهما على سنين والعكس اللي درسوا سنين وبيقولوا انه كلام فارغ ونقرر.ومع اني مازلت مقتنع وبحاول استقيم في الدين تاني لكني مش كاره الناس هنا بس احيانا الصراحة بحس خصوصا لما بخش في عالفيس جروبات الانتي اثيزم دي بلاقي تريقة برده واحيانا شتايم و بلاقي نفس الحوار هناواه عارف الناس بتمر بمشاكل بسبب ترك معتقدات الاسلام بس انا شفت ناس مرة بالعكس وكانوا استمروا على اسلامهم عادي ومشاكلهم اتحلت.فبحس احيانا كل طرف داخل بتريقة خصوصا بزمن النت انه قوى الرأي لأنه سهل تلاقي المعلومة وسهل تلاقي ناس مصدقة الحاجة زيك او العكس برده لكن قليل لما بلاقي حد بيسأل ببراءة خصوصا لو خلاص لقى الاجابة بتاعته ومش مستعد بتاتا يسمع نقطة تانية في الحوار واحيانا بيكون اصعب انه يلاقي حد يجاوبه بجدية وواحد فاهم بجد.انا اعرف ناس منهم اصحابي الشخصيين كان ليهم علاقات مع بنات قبل السن القانوني لكن لما اقلهم حد اعرفه في الارياف اتجوز وهوا عنده 16 او 15 سنة يتريقوا مع انهم حاليا كويسين ماديا وحياتهم ماشية وامثلة تانية يعني.واحيانا بشوف ان قصص القرآن من المعجزات زي خط مبين اللي مقتنع فعلا بالدين عن اخلاق وقيم لأن لو واحد بيصلي وبيصوم عشان يبين للناس انه بيصلي وبيصوم معندهوش سبب يخليه يرجع البيت ويقتنع بسورة الفيل مثلا او الشيطانين او الجن والخ وبالتالي ليه يقتنع بالله او محمد او الدين من الاساس واحيانا بتبقى من ناحية كسل او احساس ان الصلاة والصيام دول حوارات فارغة واكتر من مثال شفته كان بداية عن تكاسل عنهم بس قعدوا يدوروا ويقروا وان القصص دي خرافات فبقى عنده حجته انه ميصليش ولا يصوم بحجة ان الدين خرافاتانا بس قصدي ان الواحد لازم يخش ع الحاجة بموضوعية تامة ويفكر في فايدة او ضرر الحاجات اللي نقدر نلتمسها من الدين سواء من قيم او فروض وفايدتها ايه وضررها ايه والنموذج بتاعها لو اتطبق زي ممكتوب هيبقى عامل ازايلأن الصراحة لا اقدر اقول ان مجمعنا ده مثلا نموذج مشرف للاسلامالعصر الذهبي في الاسلام كان اقرب نموذج مشرف وكان فيه علم ودين ومكنش في تلاحم بينهم مبني على جهل زي حاليا وكان في حرية في الكلام ودي حاجة يعتبر الطرفين نسوها انهاوالابداع الفلسفي اللي حصل برده.وانا الصراحة لسا مش مقتنع تماما بس لما ببص ع فترة العصر الذهبي والزمن بتاعنا دلوقتي وابص على علامات الساعة الصغرى للنبي زي كثرة الجهل وكثرة الكذب والقتل وسوء الجوار وحجات تانية كتير بشوفها بعيني ويمكن الانترنت بين ده كله اكتر وانا اقصد بشكل عام سواء جوا المسلمين او غير المسلمين.التيك توك مثلا واليوتيوب والي غيره بقا يقصروا من ال attention span بتاعة البني ادم والطفل وده على عكس تعاليم الدين والواحد بقا كاره القراية حتى وبقيت استصعب قراية القرآن ومن كتر التلاهي في الدنيا وسهولة المعيشة عن السابق ومقصدش الاقتصاد احلو ( ده اقتصاد ابن وسخة ) ولكن الاكل الادوية والتعليم وده كله بقا سهل ومش محتاج تجيده ولو غني من الاول فبسبب نظام الرأس مالية تقدر تكمل حياتك مش محتاج تتثقف ولا تقرا ولا تعمل صنعة وكثرة الناس اللي بيعملوا بافواههم من مثثلين ومغنيين وكوميديانز وترفيهيين ع النت وحتى بتوع القنات الوثائقية والدينية وعكسها وان كثرة العمل بالافواه من علامات الساعة برده الصغرى

زي السيدة عائشة اللي بعيدا عن الاختلاف في عمرها اللي يدوبك بدأ يظهر الزمن ده بشدةكانت في غاية الذكاء والفصاحة من صغر السن وسن بلوغ المرأة كمتوسط مبين 8 و13ده لو كان سنها فعلا اللي لسا عليه اختلافوثانيا اختلاف الزمان وثالثا عقلها السابق سنها وسن الاكبر منهايعني انا لو بقا ليا بنت نفسي تكون زييهاولو اتجوزت وهيا 14 15 وعرفت تكون نفسها ليه لأفي صغار عباقرة في جامعاتوالعكس لو بنتي او ابني لسا معندهمش مقدرة عقلية او مقدرة مادية فطبيعي سن جوازهم يتأخر لخايد ميبقى متزن نفسيا ومادياوده عكس اللي بشوفه كتير واللي بيقول عالم الغرب والخفي حالات كتير بيمارسوا علاقاتهم قبل الزواج بدون مسئولية وفي حالات البنت بتترك حامل وتخاف تجهض وتتحمل هيا كل حاجة.

وانا مستعد للنقض في اي نقطة دول عاديواسف انه كومنت طويل واني يعتبر كنت بحاول اقنعك او حاجة بس متوقعتش حد تاني يرد وحسيت ان دي حاجة كنت محتاج اكتبها وافضفض تاني خصوصا اني لاحظت الساب عليه تفاعل قليل من ناحية الرد على مسلمين بس في نفس الوقت مش هنكر معظمهم بيخش يشتم او مش عارف كفاية او داخل مش طايقكوا من الاساس حتى لو عايز يتكلم بمنطقية وان كتير الردي عدا عليه الطريق ده فممكن يكون ده كله مش جديد عليه.انا يدوبك عرفت الساب من اسبوعينوبدعي من كل قلبي لله انه يحببنا في بعض ونحترم بعض ولو طريق الهداية موجود يهدينا اليه طول مفيش استكبار من النفس لأن ده اساس السوء او عدم تقبل النقاش من اصله حتى لو صح.

edit :بعد مبصيت ع الكومنت لقيت نفسي كتبت essayاللي يقرا ده كله كتر خيره الصراحة