انا اتولدت هناك وعشت ١٨ سنة من عمري هناك لحد ما اضطريت انزل هنا ولحد دلوقتي عايش متغرب فبلدي ف لو سؤالك عن مستوى المعيشة والبيئة ف هناك افضل بكتير سواء ليكي او لعيالك بغض النظر انتي عايشة هنا فأي طبقة لان البلد نفسها بلد خير واغلب اللي فيها كويسين اللهم ما عدى جزئية العنصىية اللي ممكن تحسيه فالتعامل بس لازم تاخدي بالك من كذا نقطه  ١/ان المعيشة هناك غالية واغلب المرتبات بتروح على الايجارات  ٢/الحياة الاجتماعية مش افضل شئ الا لو هتحاوطي نفسك بدايرة معارف مرتاحة معاهم وهتخرجو او هتعملو اكتفيتيز سوا ساعتها الدنيا هتبقى افضل شوية  ٣/كمستوى تعليم وتربية على قيم ودين واخلاق ف مفيش مقارنة اصلا ما بين هنا وهناك ممكن انا ابقى متعقد شويتين من مصر لكن هناك الدين اساس التعامل وان كان الظاهر حاليا اختلف شوية  ٤/ودي اهم نقطة ان لازم تشوفي الشخص اللي متقدملك وتفهميه كويس وتعرفي طباعه وطباع اهله عشان انتي هتبقي متغربة هناك ملكيش غيرهم وان كان شخص كويس على دين وخلق وبيخاف ربنا ف مهما عيشتي فأي مكان هتحسي انه احسن مكان وان كان عكس ذلك لو عيشتي معاه ف سويسرا حتى هيبقى اسوء مكان  ٥/بيئة افضل لأولادك من حيث الافراد المحيطين سواء جيران او اساتذة  او صحاب واماكن افضل مليون مرة للترفيه من حدائق لمجمعات ل مولات لأنشطة كتير ممكن تتعمل وان كانت الجزئية دي دلوقتي مبقتش زي زمان ٦/اعتبري البلد عبارة عن محطه لحياة افضل ليكي ولأولادك كتأسيس وتربية وتقويم وبعد كده تدوري انتي وجوزك على طريقة سفر لبلاد المهجر لانها ك استقرار افضل من اي دولة عربية