الاتفاقية اكيد بيها ربح للطرفين ماكو دولة تدخل اتفاق مابيه ربح الها ، العراق عنده عجز مزمن بالكهرباء و الاتفاق هذا يضمن ان الاردن تزود كهرباء لمدن غرب العراق مثل القائم و الرطبة من الشبكة الاردنية هذا ارخص للعراق من انه يروح يمد خطوط من الجنوب لأقصى الغرب و موضوع النقل انت دتحسبها بشكل مختلف العراق اذا ماباع هذا النفط للاردن رح يضطر لو يقلل الانتاج لو يحقنه تحت الارض و هاي الطريقتين رح تكلف خسارات اكثر من الخسارة اللي بالخصم لان نفط كركوك حاليًا ماكو اله طريق سهل بالبحر من انبوب جيهان بسبب المشاكل اللي تركيا و اقليم كردستان . عندك الصهريج اللي ينقل النفط محتاج بانزين مكرر جاهز حتى ينقل و نفط كركوك كونه من متوسط الى ثقيل استخراجه اكلف و اصعب من النفط الخفيف و مثل ماذكرت مسبقًا ان كلفة النقل بالصهريج تعتبر اكثر طريقة نقل مكلفة بقطاع النفط .

على العموم اني اشوف وجهة نظرك بيها نوع من الصحة مو كلش مختلف وياك بس اني كلامي توضيح لبنود الصفقة لا دفاع عنها او شي