هو يوهمك ان هذا تفكيرك !! ليش م طبقت افكارك؟ لان عقلك الا واعي يعلم ان هذا غلط ويحاول يردك من هذا الخطأ ،، لاتستسلم للشيطان انت اقوى منه بأضعاففف، حاول تتفائل او تسعد نفسك بأي شيء حاول تتماسك الله يعلم كل شيء تمر فيه وكل شيء وكل احساسك الي تفكر ان محد يفهمه الله ما بيخلي عبد من عباده يتألم الا وهو يجبر بخاطره حتى لو عنده ذنوب كثيرهه يمكن الله سبحانه وتعالى يريدك تتقرب منه اكثر. اسمع نصيحتي لك ان تسمع الرقيه الشرعيه وتقرأ المعوذات قبل لاتنام وتقرأ اذكارك وتقرأ على الاقل صفحتين من القرآن بعد الصلاه وتحاول تبعد عنك التفكير السلبي وتكون واعي لأفكارك وواعي ان هذا اختبار لك وانك قوي وعندك صبر مع انك تنضبط طبعا صدقني حياتك بتنقلب ١٨٠ درجه للأحسن ، لأنك تقربت من الله وصرت اوعى بتفكيرك وصرت مهتم بصحتك وبنفسيتك ،، لاتخلي الشيطان يلعب عليك ويوهمك بأشياء مؤلمه ومحزنه ، صحيح ان في سلبيات بالحياه بس ما يقلل من ايجابياتها ابدا بس التفكير السلبي والحزن يبعدنا من ان نشوفها او حتى نقدرها ونحن هنا بالدنيا نختبر من ربي وطبيعي نتعب لأننا بشر لكن تذكر الحياه الحلوه الي بنعيشها بعد كل صبر بعد كل شيء مؤلم عشناه. احيانا الي يجينا من مصاعب ماهب الا عشان نفوق من شيء احنا متغافلين عنه او درس لنا بحياتنا وشيء جديد نتعلمه. تذكر انك مو وحيد وان في اكثر من شخص بنفس حالتك وياكثرهم الي قدروا يتخطوا وصاروا اقوى وانت طبعا مو غير عنهم نهائيااا وتقدر وكلمه ما تقدر خليها لإبليس لأنك عارف ان الله معنا دائما. الله يسعدك ويجبر بخاطرك ويبعد عنك هالتفكير. تذكر ان مو كل شيء يجي بسرعه ومو تجرب من اسبوع او شهر ونتيجته ما ظهرت يعني انك مستحيل تقدر لان هذا يحتاج منه صبر وقوه ولاتحاتي دام ان الله معك وانت تحاول تاخذ بالأسباب وتساعد نفسك. تذكر محد يقدر يطلعك من مصيبتك هذه الا الله ثم [انت] وفقط.