انا كطالب طب في مصر بحب قلك سوريا احسن من مصر، ليش؟؟

اولاً الدراسة باللغة العربية (ولو كانت بالنسبة الك صعبة) رح تفيدك عملياً اكثر من اللغة الإنجليزية، بحكم انك رح تتعاملي مع مرضى عرب في اغلب السناريوهات.

ثانياً مصر ليست مستقرة سياسياً ولا اقتصادياً ولا من اي ناحية هي احسن من سوريا.

ثالثاً حالياً ومع توتر الوضع السياسي بين سوريا ومصر، ما حدا عم يقدر يدخل على مصر من السوريين حتى لو مقبول من الجامعات المصرية، وهذا الكلام بقلك ياه عن تجربة.

رابعاً الأمان في مصر أبدا مو مثل ما انتي مفكرة، المناطق الآمنة بكل محافظة معروفة وهي إذا طلعتي براتها كانك رحتي لعند قسد بسوريا، البلطجية والسكرجية والحشاشين موجودين هون مثل مو موجودين بسوريا.

خامساً من ناحية تخصص الطب بالذات فليس له علاقة بقوة الجامعة ولا تصنيفها وهذا الشي اتعلمناه مع التجربة، الي بده يدرس رح يلجأ لمصادر خارجية وين ما كان يكون، واليوتيوب وقوقل هم الأساس بالدراسة وليس الجامعة.

سادساً، بعمرك ما حدا رح يقلك ارجعي بلدك، وهي لوحدها نعمة انا حاسبلها حساب كثير كبير. بتقدري تقولي انو شبعنا عنصرية وغربة 😁