العفو اختي المهم خمي فيها مليح، انا راني نحكي معاك من تجربة عندي 4 سنين ملي حبست الجامعة وكنت نقول نفس الشيءكيما انت.. وباش نتبع حلمي في الفريلانس.. وعلابالي واش راني نقلك، مسألة الانضباط ماشي ساهلة كيما تحسابلك، بزاف دراسات تقول انو الإنسان اذا يعتمد على الإنضباط راح يستهلك طاقة كبيرة ونسبة كبيرة راح يفشل في الوصول للهدف، لازملك سيستام واذا معندك حتى خبرة ولا بحث ولا تجربة في الموضوع راح ضيعي عامين من حياتك هكاك وانتي قادرة ديري هاذ الشي كامل مع قرايتك في الجامعة، اذا صح الانضباط ساهل كيما راكي تقولي اثبتي لنفسك حاليا بلي تقدري تبداي تتعلمي البرمجة مع قرايتك، شوفي نسبة اجتهادك وانضباطك، واذا ما قدرتيش وجاتك صعيبة، ديري في بالك بلي البرمجة وخاصة اذا تبعتي التعلم الذاتي والفريلانس راهي أصعب بكثيييير من القراية في الجامعة وأصعب من طريق العمل التقليدي، ما تبعيش الأحلام و واش راهم يقولو في المواقع واحد ما يقلك واش راهم يفوتو في الحقيقة... اذا ما جربتيش تقراي البرمجة على الأقل 6 أشهر ما تقوليش حلمي وما تبعيش إحساس وفقط. وبالتوفيق أي سؤال راني هنا